Webradio Chay
Arak'izany voasoratra ao amin'ny Isaia 6 : 8 izany no nanosika anay hitory ny filazantsaran'i Jesosy eny an-kalamanjana na an-dalam-be na amin'ireo toeram-pivoriana maro isan-karazany rehefa nafahan'i JESOSY tao anatin'ny fatotry satana izahay ka natsangany ho zanaky ny fanjakany. Ny chay Madagascar dia tsy anaram-piangonana hoy Jesosy "koa mandehana hianareo, dia ataovy mpianatra ny firenena rehetra" .Tanjonay ny handraisan'ny tanora toa anay ,ny olon-dehibe ,ny ankizy ny famonjena izay vitan'i Jesosy teo amin'ny hazo fijaliana ,ny hahatonga azy ho mpianatr'i Kristy,ho mpitory ny filazantsara koa.Eo ambany fitarihan'ny Fanahy Masina no anaovanay izany ho voninahiny irery ihany.